假如我是科學家﹕負能量發電機

為咗响應藍天行動，為咗打敗煤炭屎鬼同核電獸，大家一定要支持我呢個新發明「負能量發電機」﹗

大家千其唔好睇小「負能量」呢家嘢呀。佢的威力足以毀滅一個人的心靈同意志，最後，就會徹徹底底咁消滅呢一個宇宙。再加上，佢的秘密武器就係極速無限擴散，一傳十，十傳百，就喺瞬雷不及掩耳的一刻，神不知，鬼不覺咁，達到全城效應的成果。

如果攞d「負能量」嚟做發電的燃料，效果應該會相當理想。仲會好環保添，正所謂「廢物利用」丫嘛。

我呢家鄭重呼籲各位慷慨解囊，將你地收藏已久的「負能量」捐晒出嚟，等到我試驗成功的時候，呢個世界就有救啦﹗

雖然，我呢家連部「負能量發電機」的設計草圖都未劃，但我有信心，只要大家同心，就會一齊落得開心。

而到時，所有人都無晒「負能量」只剩底「正能量」，大家happy。至於部「負能量發電機」係咪真係work嗱喎……嘻，理得佢丫。

呢個發明，我比十分，嘩，哈﹗哈﹗