unpack

心情持續低落，為咗打破困局，決定多睇聖言書，做個好人修修心。

今天讀的是「中庸」。

之不過，

唉，天下道理，邊個唔知丫，但係點先可以做得到呢﹖

於是決定要睇埋「菜根譚」，

呢，d人成日話閒談莫說人非，

但係咬住條菜o既時候講o既野反而又道理多多喎，

咁未睇睇佢又有幾咁智慧囉。

不過，

年初搬屋後，好多野都仲未unpack，

本書……都好似無見過，

終於打開個「喼」搵搵搵，

搵到啦，

唔單止，仲比我搵返本手抄樂譜。極度出乎意料之外。心情回彈。
而我張床呢，就比我搞成咁lu。不過，無所謂啦，反正床本不是床，

最緊要o既係unpack的過程，

搵到o既唔單止係收埋咗o既野，

仲有就係搵返d正能量，

將佢地放返晒出嚟。