假如我是編劇﹕相對論

時間﹕夜
人物﹕阿米﹑阿琪﹑吉卜賽米
地點﹕吉卜賽米o既屋企

(阿米站在吉卜賽米的家門前，正要按門鈴之際發現門沒關上，輕力一堆，瞥見吉卜賽米坐在一張小圓桌前托著腮打瞌睡。)

阿米﹕喂，你搞乜計呀﹖打開門口大覺瞓都有o既﹖

吉上賽米﹕等你呀。點知你會咁遲鈍，呢家先嚟架啫。

阿米﹕唉……我呢，今日喺架叮叮上見到個阿婆，讓咗個位比佢之後，佢同我微笑……感覺好奇怪。

吉卜賽米﹕仲乜呀﹖唔慣做好人咩﹖驚做唔到魔鬼，萬唔到聖節咩﹖

阿米﹕你好無聊囉……

吉卜賽米﹕okok，自己過去個水晶球度睇睇啦。

阿米﹕吓，我唔識點call d image出嚟架喎……

吉卜賽米﹕一早就pause咗個畫面for u 啦。

(阿米走到水晶球前，看見他和阿琪坐在巴士上，二人的樣子看來有點無奈慨嘆。)

阿琪﹕頭先，我真係無留意到佢o既存在……

阿米﹕mum…

阿琪﹕我覺得自從同外婆一齊生活後，我就唔再留心在意身邊的老人家……

(吉卜賽米好奇的走到水晶球前，要看看到底發生了什麼事。)

阿琪﹕……覺得佢地全部都好討厭……

(吉卜賽米一邊盯著水晶球，一邊問阿米剛才是否發生了些什麼重要的事情。可是，阿米卻陷入了沉思中，他正努力追憶究竟水晶球上顯示的情節之前發生了什麼事。

吉卜賽米見阿米沒反應，於是自行回捲影像，這刻，他們看到阿米和阿琪站在巴士站前等候巴士的情況。

終於等到巴士到站了，阿米跟在阿琪後面準備登車。一名老婦突然走到阿琪身旁，像是要插隊似的，阿琪沒理會老婦，徑自的走上巴士，安坐後回頭要找阿米，才發現原來阿米仍在巴士站旁，讓那名企圖插隊的老婦先登車，老婦行動看來不及有點不靈活。

阿米坐到阿琪旁，看見阿琪有點悶悶不樂。)

阿米﹕仲乜呀﹖

阿琪﹕頭先，我真係沒留意到佢o既存在……

(阿米突然從沉思中醒覺起來，捉著吉卜賽米的肩膀。)

阿米﹕我記得啦……

吉卜賽米﹕吓﹖

(阿米再次望著水晶球，像是背誦對白一樣，跟影像中的自己一起諗著﹕「同外婆一齊生活後，我反而覺得身邊的老人家都變得可愛，誰都比外婆可愛。所以更加願意照顧他們。」)

吉卜賽米嘆了一口氣﹕唉……咁我知lu….其實，你可以當你阿婆係其他老人家，咁你會樂意照顧佢囉……唔駛覺得奇怪喎……