兩注菜，一笑話﹕乜都貴

估唔到今年犯太歲o既菜碗山，真係犯太歲氾到飯太碎，竟然連飯都就嚟食唔起，改食粥，鬼叫過完年，乜都加晒，野野都陰d陰d無加冰都加兩蚊，但係就偏偏人工無得加，搞到自我又貶價。真係要搵d計仔諗諗佢。

尋晚大菜糕無啦啦爆響口話自己唔知隻乜乜乜基金有幾多幾多o既儲備，估計退休嗰陣都未必夠520萬喺香港過世，計畫要移民去泰國喎。夠平丫嘛嗰度d野。

「吓，咁我點算呀第時﹖」菜碗山即刻頭dup dup，個心好驚，好驚。

點知。

「咁你未過埋嚟囉。」嘩，大菜糕果然係大菜糕，夠豪呀。

菜碗山隻眼當堂濕晒，忍唔住講咗句﹕「多謝家姐。」

親情，真可貴。貴埋。