假如我是科學家﹕乞嚏高速噴射器

打足成日乞嚏，好攰。

根據本人非實驗證明，會一個乞嚏會引發o既時速高達550公里，後坐力十分驚人。即係如果唔覺意你打乞嚏的時候咁啱又玩跳高，咁，你就發達啦，因為你將會輕而易舉咁勁破世界紀錄。

就係今日o既連環大乞嚏，啟發到我呢一個新發明「乞嚏高速噴射器」。

好簡單，望文生意，唔駛我多講都知係乜嚟架啦。

用途﹖唔係呀嘛，仲駛問﹖當然由電單車的摩托到穿梭機的噴射器都可以代替啦。

好處﹖環保囉﹗(無錯﹗我o既新發明又再一次戰勝煤炭屎鬼同核電獸﹗嘩，哈﹗哈﹗)

乜話﹖乞嚏會提高空氣中的含菌量﹖

無病呀話你，我講咗我今日「打足成日乞嚏」，真係好攰架啦，乜野都問我架咩。呢 d 醫學界的問題，唔該搵返醫學界嚟解答。我呢 d 科學界係好專業o既，唔會踩過界。

係咁啦。我都係時候要休息一下啦。打乞嚏真係好攰架。