假如我是程至美﹕手術成功

病人名稱﹕MP3
年齡﹕2 yrs old
國籍﹕Japan

上次在布拉格的時候，無錯，又係布拉格，已經同佢做過一次手術，事原佢的一粒按鈕鬆脫，導致無法接收播放指示，嗰次，真係驚心動魄，認識我程至美的人都知道，我可以唔食唔瞓，無錢無電話，但就係唔可以無得聽歌。無法，只有用強勁o既音樂，我先可以享受到人世間片刻的寧靜。 (我啋，都唔知乜鬼理論嚟o既。)

嗰次個手術歷時咗成粒鐘。係鬼咩，人生路不熟，都唔知去邊樹搵d啱用的義肢反嚟，好彩隨身有一支小型螺絲批，同文房四寶，咪膽粗粗同佢開個刀囉。

後嚟發現原來喺個病人o既體內有個超細微o既組織甩鬼咗喎，正所謂牽一髮動全身，無咗佢個病人就變咗做植物人。
大鑊。點算。好彩經過仔細檢查後，只要搵d野同佢固定一下，都可以救得返。不過身邊乜都無，點搞好呢。好彩，歌仔都有得唱﹕人類聰明，又會起屋建造城。本著試下無妨的心態，隨手拎起一張紙左摺摺右摺摺。終於醫返好。

點知今日lunch o既時候，佢竟然病發，為咗陣間coffee time o既時候唔駛聽到周圍d人o既談話內容，唯有同佢做多一次手術。

吸取咗上次o既經驗，我決定用一種比紙張彈性更強更耐磨的物料嚟固定個組織o既位置。於是，出動咗同張紙勢不兩立o既擦紙膠﹗

唔駛半粒鐘，手術完成，都ok成功。呢家有d攰，睇嚟都要去cocof-fee，休息一下。