兩注菜，一笑話﹕我榴槤．你忘返

菜碗山和菜丸尾到甜品店去吃甜品，

打開餐牌，嘩，好多都好想食呀，

好想食…好想食

榴…槤…班…戟。

無錯，係榴槤班戟。

你無聽錯。

菜丸尾聽到菜碗山咁講，即刻拎住支三叉戟住菜碗山。

菜丸尾﹕「你敢﹖﹗食丫，夠膽你就食，食咗你休想入家門口。」

「唔駛驚喎，我改食榴槤忘返，

一於我榴槤，你忘返。

咁我咪可以返入屋企囉。」

狡猾的菜碗山又一次忍唔住大笑咗三聲﹕

「哈﹗哈﹗哈﹗」

當然，菜碗山最後都無食到榴槤甜品啦，你估佢唔怕肥咩。

正所謂﹕食甜品肥，食榴槤甜品肥上肥。

最近先發覺自己原來係咁鐘意白色，你睇呢碗白雪雪o既腐竹蛋白糖水幾靚。

(其實落order前o既一秒，菜碗山都以為自己會食楊枝甘露豆腐花，點知唔覺意一揭本menu，

嘩，白色o既糖水，好靚呀，三心兩意，見異思遷，一改再改，真係…好似食咗唔駛負責咁。)

真係好好食。

可以無槐咁講聲﹕

食一餐，少一餐，今餐吃不枉。