假如我是科學家﹕太陽能光管

其實，呢個發明潛伏咗喺我心入面已經好耐好耐架啦。睇嚟，係時候將佢推出巿面。

各位觀眾，五條「光管」﹗

唔好睇小呢個發明「太陽能光管」呀，佢厲害之處就係日頭的時候會吸盡宇宙間萬物之源，最偉大的星體太陽所免費賜給世人的光茫，等到入黑，佢地就會好似d小朋友房間貼滿星河的天花板，呢嗰d會自己發光嗰d星星呢，自動自覺，「光」晒，唔夠照咯，又會自動自覺re-charge。

係唔係可以攞諾貝爾獎呢﹗嘩，哈﹗哈﹗

我地只要將 d 圍住維港的光管，全部換晒我的新發明。咁，哈﹗哈﹗哈﹗哈﹗咁未唔駛比環保人士話嘥電，又唔駛比政府話影響香港形像囉。

之不過，唉，近排香港成日伸手不見五指，就連要試下呢個發明有幾work都好有難度……唔知有無人可以話比我知太陽伯伯去咗邊樹呀﹖﹖﹖